Members Login
Post Info TOPIC: TULAFALE FETALAI & MALOSI O LE NU'U.
TARO-KID

Date:
TULAFALE FETALAI & MALOSI O LE NU'U.
 


Se malilie maia nai ou uso ma tuafafine i luga o le internet nei. Ua ou amataina lenei topic, ona o lota fia sailiili pea ma fia iloa le faasologa o mea pe'a o'o i aso e vevela ai le faatinoina o si a tatou aganu'u..Muamua..(Tulafale)..Afai e le lava lota iloa ma le iloa le faalupega o le isi matai o loo aumaia le isi itu ....O le a lau mea e fai?...Lona Lua(Taulele'a)..Le iloa folafola se sua, ae afai fo'i e iloa, o le a le faasologa sa'o, poo le sua taute, poo le sua talisua...
I'm soory guys but this coconut is moving back home in 11/2 years and I think my family is going to shove me right into the faa-Samoa, and its been a long time..Greatly appreciate your help....
Faafetai-lava..

__________________
naenae

Date:
RE: TULAFALE FETALAI & MALOSI O LE NU'U.
 


va'ai oe uso taro-kid, amuia oe o lena e iai le fa'amoemoe ole tou aiga potopoto mo oe aua le tofi matai. va'ai oe ole upu a le atunu'u, ole tofi matai ua vaelua iai le suafa ole Atua. ole to'atele fo'i ole atunu'u lea e eva nei ile laufau alu o fafo nei, e leai se fa'amoemoe e toe fo'i i samoa. a maua se matai fa'afetai, ae ole tagata a'oa'oina e iai le tofa fetala'i e soalaupule ai le lumana'i. o lo'u talitonuga e leai leai lava se isi auala e sili atu le malosi ma le lelei e e tamaoaiga ai le matai na i lo le nofo ile aiga e tausi le aiga ma fai le monotaga ile nu'u. Tele matai talavou ua ou va'ai o lea ua pale nei ile Fonofaitulafono a Samoa. Sa leai se manatu e o'o iai,a e ma'eu le vave ma ua inu lava iai ile tausi aiga.


__________________
Tama

Date:
 

Malo le fa'amalosi ma ia manuia taumafaiga ia oe male aiga pea a fa'apea ole a saofia taumafaiga ilau susuga pea toe taliu atu i Samoa ise taimi oi luma. Pau ole mea e aua ete popole ise mea, ole talitonu ilo'u nei tagata ole tou aiga lava ole a outou fa'afesota'i aua le va fa'ale atonu'u, vaai se tulafale atamai e fesosoani ilau susuga, aua le tauaveina ole aganu'u. Aua le ma MA, ia e loto malosi ma e loto alofa i tagata uma, ae ole mea silisili lava ole loto fa'amaulalo.
My roots are from SAVAI'I, and I will be very proud to go back home sometime in the near future.
Good Luck and God Speed my brother from another mother.

__________________
TARO-KID

Date:
 

Faamalo lava ia te oulua so mo le lagolago mai i le manoga o si nei tagata faatauvaa. Matagofie a oulua saunoaga ma apoapoaiga, ma o le a le tuu-mamaina fo'i i lo'u nei tagata le lua fesoasoani. O le autu lava, ona e ese lava le alu pei o le pulu-afi o le tautala i le gagana o aso uma, ae tuu ane loa i le lavelave ma le vao-filifili o le aganu'u e sili ona ou mimita ai, e le o se mea faigofie...E faigata ma taua e le o se mea e tatau ona fai faataaloga, aua o lata ita mau, po'o le a le finagalo o le Atua i nai o tatou Tua'a, o le tatou augatupulaga, le faamoemoe, osi a tatou aganu'u aua tupulaga a Samoa mo le lumana'i.O lota mana'o, ia ota tu-vae i Samoa ua tau-panupanu atu i nisi mea, pei o le mea lena ua avatu ai le avea'i i luga nei
Ou te toe faamalie atu ai ma faamalulu atu ia i latou uma na toatama'i ma tiga o latou finagalo i luga o lenei forum ona o ni upu ma ni faamatalaga sa ou lafoina i le taimi ua tuana'i. Malu ave i fale o outou finagalo, ia magalo le sala a le auauna.
Faafetai Naenae ma Tama, ua lailoa lava a lua susuga, faamalo le fai uso moni ma le fesoasoani mai i le atalii vaivai.

__________________
kasava,

Date:
 

sole TARO KID, olea e te tausauni mo le nofoa o le aiga, oi sole e ese le maoa'e o le tulaga lea o le a iai, vaai oe i uma lou saofa'i ae tulioso tagata i Mulinu'u e fai ai le faamasinoga e against ia oe. Ia vaai la oe si o'u uso, o le mea muamua ia e malamalama i le gafa e te sau ai, ma lou sootaga i le igoa o le a e nofo ai, lona lua ia e malamalama i le faalupega o lou nu'u po'o le nu'u lea e i ai le suafa matai lea o le a e nofo ai. I le fesagaiga ma le nu'u, ia e iloa Alii taua o le nu'u ma Tulafale, ma ia e iloa le mea e nofo ai le matai lea e te suafa ai, e le avea ai se matamuli i saofaiga a le nu'u, ma ia e iloa o le tou aiga lea o le a e alu e represent i le saofaiga o le nu'u, ia toa le leo ae ia faaaloalo, Aua e te lauga i upu maotua ae e te leiloa ina uiga o upu, faaaoga upu lata mai e pei o le upu faapea, "UA SAUSAU FIALELE GEI LE MAGU GAI UKUFIU'' upu masagi ga, Ia a e seu lauga fo'i, ia e malamalama po'o le a le mea ua e seu lauga ai, aua o isi failauga e atamamai, ne'i te'i ua fesili mai le tagata lauga po'o lea le mafuaaga ua e seu lauga ai,. Ia TARO ina ne'i tele atu ae ailoga o e fia faalogo mai, ae a i ai se isi mea ia tatou felogoa'i lava i luga o le kou laupapa, ae aua e ke koe palauvale i luga o le laupapa hehehehehehe, ia maguia lava oe ma le kulaga fou.

tamaiti mai Penina o le Pasefika.

__________________
TARO-KID

Date:
 

Faamaonia ma momoli atu le faafetai Kasava..Ioe e sa'o lelei o'e..I te'i ua mimita atu ma se upu faigata ae leiloa le uiga...kau ai loa ma le ulu-puou-kao akoa a le alii matua o le nuu i le o-o.
Ona o le mea lea e i ai ..Ua ta fiu e tatali se fesoasoani mai a o'u uncles, aunties, and cousins, o la e nonofo i Samoa, o lenei o le a atoa le tausaga..ou te masalo e le talitonu o le a ou toe fo'i atu i Samoa..Ua kiga fo'i maka ia i legei akugu'u....kele le stress..Bills, Bills..and more bills..
E mo'i ga fagau iigei, ae o loka olaga akoa o Savaii ma Upolu..
I just can't wait to get back home..I was gonna say ..I will kiss the tarmac of Faleolo Airport..but e leiloa pe ga kaka'a ai puaa a Sakapuala.... the night before...
Faafetai Tele Kasava..

__________________
naenae

Date:
 

TALOFA Taro-kid!
Malo le tau ata'i aua le lumana'i. Ole upu a le atunu'u e fa'alogo mulimai ia muamai. Ole ala ile pule ole tautua. E le a'oaia e laupu'a ia tamafaiga, e le fa'atonuina ele matapia le manaia.
1. Pe afai e te leiloa le fa'alupega ole matai o lo'o aumaia le si'i. Ole ala faigofie lava, "malo le fetalai i lau tofa ile failauga. Ou te talitonu e fa'aleAtua lo tatou aso, ma ole a le tu'utu'u mamaoina fo'i se fa'amatalaga. Ole fetalaiga fa'aaloalo lea ua opea ile malu, e leai se agatonu aua ole fetalaiga e tu malele..."
Ole masani fo'i a toeaiina, e iai le tu'ualalo, ole matai lena e fesoasoani mo le matai o lo'o ile to'oto'o.
To'aga ile fale o matai, e le o se tautalaititi ae ole matuamoepou e iai le tofa fetala'i. E iai nisi matai e taofiofi ae ia manatua ole aganu'u a samoa sa tu'utu'u gutu mai. Ile saofa'iga a matai, ia iloa lou pou, e iloa le tamali'i e taofiofi ae 'aua le fa'atasina le matai tele ile ala ona ole fetalaiga ma upu so'onalafo.
manuia le tapenaga mo samoa, amuia oe o iai le fa'anaunauga e toe fo'i ile atunu'u moni e tautua aiga.

__________________
naenae

Date:
 

uso, ole folafolaina o sua, e amata lava ile folafolaina o taumafa i totonu ole aiga ma fale. ia iloa le upu fa'aaloalo o taumafa. ile folafoalina o sua i fafo, amata ile faigofie, 'aua le taumafai e fai se solo umi ma le maotua aua e i'u ina galo ona mataga lea. e taofi eseese le atunu'u, ole aganu'u e sa'o i savai'i e ese fo'i i tutuila. ae ole mea taua ia fa'afaigofie: "ua ou tu nei ile siui ae sausau i moana. ae fa'aliu ia alo ole lupe i lau susuga ile fa'afeagaiga taulagi aua le paia ia Tofaeono ma Tama, i laua na Ta'i ma le nofoituaiga ia Fuata. Ou te tautala ile fa'aaloalo lea ua fafao iai aao ole Tofa ia Tamapua ma le aiga ali'i. Ole a folafoalina atu..."
e iai nisi e taofi e muamua le sua talisua aua e tali ai le sua ona soso'o lea ma le sua taute.
manuia le tapenaga uso...

__________________
TARO-KID

Date:
 

Ia o lau pule lea Naenae. Talia ma le agaga faafetai lou fai uso ma le loto fesoasoani..O le a le toe i ai se masalosalo, o la outou tofa faatupu ma le aga faatamali'i o le a faapea ona maua ai le to'a ma le leai o se fefe e faafeagai ma le vao-filifili, po'o le i'a iviivia o si a tatou aganu'u..
Ia manuia lava le feagai ai ma tiute, ma galuega, ae a toe manatua nisi mea logologo mai faamolemole..

__________________
mea nice

Date:
 

sole..well done, i went to classes where my uncle taught these things, and dang it was alot to take in..LOL,
ua maua la sou lauga e folafola ai le tatou sua? LOL.

good to be back on here, ua tele lava le pisi latou, ia alofa atu ia key, fiailoa, comer, mea strong ma lou susuga..lol

__________________
keyminor

Date:
 

Se talofa mea nice, I see you just got on too. sa pisi foi legei iku, ua ou vaai AKU ole a alu Tk e faaee loga mamalu i Samoa, se good luck sole Taro, alu lelei, aua le sooga faia le makai, ao lelei upu ole akuguu. Poo a mai se falekua o Fialoa? New comer poo fea oe, ma mea strong,
Its good see know our old gang banger i luga ii again. Faamalie aku lau susuga Taro o kaika le lelei upu ale akuguu, ae fia fai aku lava se apoapoaiga mo oe, ae paga lea, e vavai legei koeaiga i mea aleakuguu.
Ia maguia lava le faasausauga ole po


__________________
TARO-KID

Date:
 

Malo le alu umi Keyminor..Its good to have you back...Ae sa'o lelei, kele lava le pisi i le kele o mea e fai i lenei akugu'u....Ga o'u faapea o e alu e defend Paris Hilton lele o le a kokoo i ai Big Mama i le Big House...hehehehe.
Ioe, ua sau lava le kaimi ma akogu o le figagalo lea o le Alii mo legei kagaka o le koe fo'i i Samoa....A le kaulia i le malo pipo qualifications o legei kagaka..ia o loo lakalaka age lava le moku i sasa'e, e faigaluega ai ae o le mea sili e mafai oga weekend i si kakou moku.
Ou ke masalo ua lava ma kokoe le fesoasoagi a si uso ia Naenae, Tama aemaise fo'i Kasava e kau kapega ai le vaa o le aiga gei..
Faafetai Tele Lava.

__________________
King

Date:
 

Thanks Taro-kid for your comments on this side, I really enjoy reading all of your topics and advices!

But going back to Samoa, hopefully you will stay online there too and feed us with your comments!

Good luck! King!

__________________
keyminor

Date:
 

Taro kid, se ua amaka oga misi aku oe, I guess you're the lucky one, there will be no more stress once ya get there. O Samoa e stress free. So when is the big day for you to leave??
Man, I wish you all the best, Dont worry about Paris, I heard the parents are trying to suck their way in to Gov. Arnold Schwartznagger for help.
Its good to know ya on line TK, once again, ALL THE BEST!!!

__________________
naenae

Date:
RE: TULAFALE FETALAI ; MALOSI O LE NU'U.
 


sau ia oe le matai fa'aolioli taro-kid, se ua leva lava ona fia fai se tatou fa'atasiga se'i tatou fa'amavae lelei ai ma avatu fo'i alofa molipo. aua ole atunu'u o samoa ma lana aga i fanua, ole aganu'u e tau tu'utu'u gutu. toaga ile fale o matai e poto ai lou gutu. alu e tautua matai, ole upu a le atunu'u, "ole ala ile pule ole tautua." e lelei lava le tele o tala a le tagata pe a matai ae ole tagata sa mu mata ile nofo tuavae ma le tautua, tautua toto, tautua upu, tautua matalilo, tautua matavela. pei ona avatu se fesoasoani, ole folafolaina o sua ma fa'aaloaloga e amata lava ile folafolaina o taumafa. Po'o le aiga po'o le to'ona'i a le ekalesia, po'o le to'ana'i a matai po'o le nu'u. ia iloa igoa fa'aaloalo o taumafa pei ole fa'ausi(momoe ma le tae), umu ulu(maualuga), moa(ta'ailepaepae/fa'ailoa ao/solipaepae) niu(vailolo) pua'a(manufata etc.)
e lelei fo'i ona amata ona a'oa'o fa'alupega o nu'u ma igoa o malae. o paia, e paia lava le ele'ele, paia maota ma laoa etc. o paia o nu'u. o taeao ole atunu'u, ia o samoa ole atunu'u e tala lasi, taeao ma mea na tutupu ai ile atunu'u, taeao ole taunu'u ole talalelei, e tele taeao ae ole taeao sili lava ole taeao ole fa'aolataga.
'aua le tausili i upu e le malamalama ai i lona mafua'aga ne'i fesiligia ona mataga lea. ia malamalama i faia, le tapuia ma le tala o gafa.
ioe, o samoa ole i'a iviivia, ole fue lavelave e leai se poto e mafai ona talatalaina, e leai se tasi e mafai ona toe si'i se mata lalaga. aua o samoa ole atunu'u tofi.
e lelei le va'a e fau tele, ia gaogao a ato tetele ma ia utu pupuina e le tomai mai le lagi lou fofoga ma lou mafaufau.
manuia le tapenaga taro-kid.

__________________
TARO-KID

Date:
RE: TULAFALE FETALAI & MALOSI O LE NU'U.
 


Faamalo ia o'e si o'u uso Naenae..Ua le ma-gagana lenei Samoa-auliuli ae vaivai i le aganu'u, ona o le tofa faa-tupu ma aga faatamali'i ua e folasia...Pei ona ou tuuina atu i le amataga o lenei topic..po'o ai lava e mafai ona fesoasoani mai, o le a talia ma le faafetai...Pei o le isi upu a le atunuu..
UA MALIE MALO ..Pei lava ona e saunoa..ou te faaluaina lou finagalo..O le ala i le pule o le tautua...Ae ona o le taimi nei ua oo mai le faasologa a le aiga potopoto, i le itu a si o'u Tama, ae o le Toatele o loo i L.A..Aussie..etc.. pei o le itu lena ua ou malie ai o le a o'u fo'i i Samoa...Aua e fai- fai nei olaga o fafo nei...maybe not our kids...but our great, great grandkids will ask the question...''Where excatly are we from, and do we know who we are''...Ia e na o se manatu faivavale o si nei uso...Ua lava fo'i lenei malamalama faapalagi.....O le a o'u toe fo'i..
Ona e alualu le poto faapalagi..e le mafai ona faatusatusa i le lavelave o Samoa ma lana aganu'u...The one thing that no matter where I go or where life takes me to..
Its unique, special, breath-taking..and most of all I'm so proud of it.....
Good Luck to all of you ..out here..and God Bless..

__________________
fiailoa#2

Date:
 

malo keyminor, nae n taro kid..sole olea e sola la a o ai e kausia kamaiki.lol it''s good to hear ole a e koe fo'i i samoa. kalofae isi ou kei..ia good luck to u and your family.. a le maua se galuega i upolu ia koe oso ae i kukuila e ke pule ai ile starkist. haha ga o kala..We will miss you. God bless.

__________________
real

Date:
 

Faafekai Taro peafai e oo gae alu.

mautinoa laa vave mai ai kakou updates o mea o tutupu isi o tatou atunuu. [if u dont mind]
Ae leiloa pe eke oo loa i hamo, galo mai loa le kakou samoa.ws...lol

u know what hamos overseas need. Yeah...news news news...leaga e ese male kakou faikakala...lol
ae faafefea ea...faimai le upu o le isaraelu moni poo fea lava le itu o le lalolagi e alu iai, e tatala lava le faamalama ma tilotilo agai lona nuu.

Ia, faamolemole uso e tuu ane i luga ni ata ma news o si tatou atunuu pea faaolatia atu.

Manuia le sauni atu i lena itu. Lelei oe o lea e foi atu, ao matou o lea e tau sauni atu i le kou malo kele.
koe sau se kaimi


__________________
naenae

Date:
 

Fa'afetai Taro-kid mo le tofa fetala'i!
Ole mea moni lava e pei ona ou talanoa atu, e le na ole tautua fa'a-taule'ale'a. Leai, ole tautua fo'i le nofo ile igoa matai ma tautua le aiga potopoto, tautua le nu'u, tautua le lotu ma le atunu'u. Ae fai mai toaiina, ole ala ile pule ole tautua. Eseese tautua fa'amatai e pei ole tautua upu-fai ma fofoga ole nu'u etc. Ole atunu'u o Samoa e mau le fa'alele e iai fo'i le au maitau upu. Ole maitau atu Taro-kid, o oe ole tagata ole faiva. I lo'u manatu e lava lava au upu o lo'o tusia e ta'u mai ai lou tagata-aga. Ua ia te oe le tofa ma le utaga, ae taua le fa'autauta, le tofa fetala'i ma le tofa fetu'utu'una'i. O mea na e a'oga ai ile va'ai ma le fa'alogo i matai. Been there and done it! To'aga ile fale o matai ma le fale ole faifeau. 'Aua e te popole vale, maitau ma fesili ae taga sau toa pulu. Ole masani lava a le tagata poto, a fesiligia le tofa e fa'afitifiti lava. "SE leai, o lau tou pule lea, e ia so'u taimi, ua lava a'u ou te aiaiuli atu i toeaiina." E fa'alogo mulimai ia mua mai.
A taunu'u lou fa'amoemoe ma tu laueleele i Savaii ile aiga, a uma le saofa'i, ia lelei lau fa'alogo ma lau va'ai. o a'oga lava mea uma. 'Aua e te vavevave, ae ia mau pea le to'ovae ma a'oga maitau. E iai lava lou taeao, ae lelei ona o'o i lou taeao, ae alu atu e pulu afi le mea. ae leaga le tapa mai o toeaiina ae fu'e atu le suavai e le se umu palusami ae ole umu faiai. O ou mama na, ia tafe toto ou ala. Ia pouliuli lou tino ae ia malamalama ou mata. (A e fia maua se fesoasoani i se galuega, vala'au mai. e lava fo'i nai connection ile malo ma kamupani i samoa. its not what you know its who you know!)

__________________
Anonymous

Date:
RE: TULAFALE FETALAI & MALOSI O LE NU'U.
 


cry.gifdisbelief.gifhey well i,m proud to be a samoa and ware my dad from is the best place to go and hangout ....saaga for life ....yawn.gifconfuse.gifsmile.gifsmile.gifsmile.gifsmile.gifbiggrin.gifbiggrin.gifbiggrin.gifbiggrin.gif

__________________
Dee-ah-polo.

Date:
 

Se naenae...
tumu tele oe i lou fiapoto ae matua sese le sipelaga o au upu. va'ai oe, o le upu "o'e" o le upu fa'aaloalo na e ave i le naifi. A'o le "oe" is wat the palagi call "you." Se makua'i e fiapoko ae ke le iloa se pa'upa'u. Ia makefe la'ia.

__________________
dee-ah-polo

Date:
 

E o'o fo'i i lau sipelaga o le upu "a'oga." E ese le "a'oga" ese le "'aoga." lou mea fa'avalevalea pu fafa. Ia kago la'ia i lou ufa.

__________________
Anonymous

Date:
 

Se ua koe ka`u foi le alu a le kama o kalo i samoa e fai loga makai,ga ka`u mai lava i la aso o legei lava e ka`u.Ia maguia faakele lava le faamoemoe lii KALO

__________________
Anonymous

Date:
 

Anonymous wrote:

Se ua koe ka`u foi le alu a le kama o kalo i samoa e fai loga makai,ga ka`u mai lava i la aso o legei lava e ka`u.Ia maguia faakele lava le faamoemoe lii KALO





leai ua leva ona folau ia kalo, ae leaga o lea faatoa tau iai le
faitau a deeh-ah-polo ao lea ua leva ona uma lea mea!

__________________
Anonymous

Date:
 

Anonymous wrote:

Anonymous wrote:

Se ua koe ka`u foi le alu a le kama o kalo i samoa e fai loga makai,ga ka`u mai lava i la aso o legei lava e ka`u.Ia maguia faakele lava le faamoemoe lii KALO





leai ua leva ona folau ia kalo, ae leaga o lea faatoa tau iai le
faitau a deeh-ah-polo ao lea ua leva ona uma lea mea!




Ia Kalo se ua sasi foi le iku gei, ia ou ke kalikogu o lega e iiga le kofa mamao ma le ukaga loloko,ae lafo age se sese i guu le aiga,iga gei kekega le figagalo i le silasila ise upu ua lomia i le kaimi ua kuagai,ae ia avea pea ia le suafa mamalu o Iesu le faaola e magalo ai se leo ua pao papa foi i lau faafofoga.
Ae kia polo se sei kau faaoga le vaaiga ga lafo aku ma le koe laga mai o gei kusikusiga ua maea oga soalaupuleiga e le mamalu lasilasi o le au omiomi i luga o le malae gei.

__________________
Anonymous

Date:
 

E, anonymous! E leai sau fe'au e ke sogisogi ai fua lou isu i pisigisi a isi ua iloa? A ua e fa'alogo mai ua fai aku sa'u kala, oga e gofo la'ia aua le masae fua i luga lou guku ua iloa? Ua kumu fo'i oe i lou fiapoko, mea fo'i ga ua ka'uleaga ai Samoa i kokogu o lenei atunu'u, o le aumaia fua o le tou pokomoko ga, ae le fa'alogo ma fa'aaoga fautuaga a e matutua. Ia, alu la'ia e 'ai uma kae ma e kago i lou komo.

__________________
Anonymous

Date:
 

pe e te silafia ni alaga upu e maua mai i saofaiga a matai.

__________________
Anonymous

Date:
 

se kefe ia e te iloa ni mea pe leai

__________________
Anonymous

Date:
 

hey se aua le le mafaufau o Makai mea gei,,,a leiloa se mea, ga aua laia le kaukakala fua ma le elo o le mea,,,,furious.giffurious.gif,furious.gif

__________________
Anonymous

Date:
 

Hey ,,,,ai a sou aivalea ae ke faa fia pojko a ea??,,,sao ai kala ga ou faalogo ai ia ke oe eke paumumuku kagaki solo ile kaulaga,,,,,,,ua ma ea la,,,,kago laia i lou muli lou mea auleaga,,,

__________________
1 2  >  Last»  | Page of 2  sorted by
 
Quick Reply

Please log in to post quick replies.

Tweet this page Post to Digg Post to Del.icio.us


Create your own FREE Forum
Report Abuse
Powered by ActiveBoard